Ижтимоий тармоқларда Сурхондарё вилоятининг Бойсун туманидаги Сангин Амонгул Инвест МЧЖ раҳбари А.Н. томонидан ўрмон ерлари сотилаётгани тўғрисида хабарлар тарқалди. Ҳолат вилоят прокуратураси томонидан ўрганилди.
Аниқланишича, А.Н. ўзини Сангин Амонгул Инвест МЧЖ раҳбари деб таништириб, фуқаро Ж.Хусановга 2022 йилнинг май ойида Бойсун тумани, «Юқори мачай», «Ўрта мачай» ва «Қизилнавр» маҳаллалари ҳудудида бўлган ўрмон хўжалиги ерларининг бир қисмини беришни ваъда қилиб, ундан 3 миллион сўм олиб, ўзлаштирган
Бундан ташқари, А.Н. ўзини кластер бошлиғи деб таништириб, фуқаро С.Поёновга 2022 йилнинг 22 июнида Бойсун тумани, «Юқори мачай», «Ўрта мачай» ва «Қизилнавр» маҳаллалари ҳудудида бўлган ўрмон хўжалиги ерларининг бир қисмини беришни ваъда қилиб, С.Поёновдан 17 миллион сўм ва 100 доллар пулларини олиб, ўзлаштирган.
Мазкур ҳолат юзасидан Бойсун туман ИИБ ҳузуридаги Тергов гуруҳи томонидан 9 сентябрь куни Жиноят кодексининг 168-моддаси 3-қисмининг «б» банди (такроран сидур этилган фирибгарлик) билан жиноят иши қўзғатилиб тергов ҳаракатлари олиб борилмоқда.
Изоҳ (0)