Уй хўжаликлари танланма кузатувлари маълумотларига асосан 2022 йилнинг 1 январь ҳолатига Ўзбекистонда ҳар 100 та уйга ўртача нечта техника тўғри келгани таҳлил қилинди. Бу ҳақда Давлат статистика қўмитаси хабар берди.
Таҳлил қилинишича, 2021 йилда ҳар 100 та уйга 53 та енгил автомобиль тўғри келган. Бу 2020 йилга нисбатан 4 та, 2019 йилга нисбатан эса 6 та машинага кўп.
2022 йилнинг 1 январь ҳолатига ҳар 100 та уй 170 та телевизорга эгалик қилган. Бу кўрсаткич 2020 йилда 162 тани, 2019 йилда эса 160 тани ташкил этган.
Компьютерга эгалик қилувчи ҳар 100 та хонадонга 63 та шундай техника тўғри келган. 2020 йилда бу кўрсаткич 3 тага, 2019 йилда эса 8 тага кам бўлган.
2021 йилда ҳар 100 та уй 308 та мобил телефонга эгалик қилган. Бу 2020 йилда шундай кўрсаткичдан 21 тага, 2019 йилгидан 26 тага кўп.
Кир ювиш машиналар эса ҳар 100 та уйга 94 та тўғри келган. Бу кўрсаткич 2020 йилгидан 4 тага, 2019 йилгидан 5 тага кўп.
Изоҳ (0)