Бирлашган Араб Амирликларининг Flydubai авиакомпанияси ҳаво кемаси бугун илк бор Наманган халқаро аэропортига келиб қўнди. Бу ҳақда «Дарё» мухбири Азизбек Абдувалиев хабар бермоқда.
Анъанага мувофиқ, мазкур ҳаво кемаси аэропортда сунъий сув аркаси ҳосил қилиниб кутиб олинди.
Авиакомпаниянинг Boeing 737 русумли ҳаво кемаси Намангандан Дубайга 190 нафар йўловчини олиб кетди.
Наманган халқаро аэропорти маъмуриятининг «Дарё»га маълум қилишича, энди Дубай—Наманган йўналишидаги парвозлар ҳафтанинг чоршанба ва шанба кунлари, Наманган—Дубай йўналишидаги авиақатновлар эса пайшанба ва якшанба кунлари мунтазам амалга оширилади.
Маълумот учун, бугунги кунгача Flydubai авиакомпанияси Тошкент ва Самарқанд шаҳарларига мунтазам авиақатновларни йўлга қўйганди. Энди уларнинг қаторига Наманган ҳам қўшилди.
Мавзуга доир:
Изоҳ (0)