Жорий ҳафтада Ўзбекистоннинг янги сабзавот ва меваларни олдиндан танланган экспортчилар Европа Иттифоқи ва Шарқий Европанинг йирик харидорлари, шунингдек, маҳаллий супермаркетлар тармоқлари билан музокаралар олиб борилди. Бу ҳақда EastFruit хабар бермоқда.
Ўзаро фикр алмашиш ва экспорт учун истиқболли маҳсулотларни излаш жараёнида маълум бўлдики, Ўзбекистон 2022—2023 йилги мавсумда саримсоқни Европа Иттифоқи мамлакатларига экспорт қилишдан яхшигина фойда олиши мумкин.
Европа Иттифоқида саримсоқ нархи экспортдаги кечикишлар ва Хитойдан саримсоқ етказиб бериш учун логистика харажатларининг ошиши туфайли ошиб бормоқда.
Шу боис импортчиларни Европа Иттифоқи бозорида Хитой саримсоғини қисман Ўзбекистонникига алмаштириш имконияти қизиқтирди.
Ўзбекистон йилига 3 минг тоннага яқин саримсоқни, асосан, Россия ва Қозоғистонга экспорт қилади.
Экспортнинг рекорд ҳажми 2018 йилда қайд этилган бўлиб, 5 минг тоннадан ортиқ янги маҳсулот чет давлатларга юборилган.
2022 йилда, эрта саримсоқ йиғиш мавсумининг бошиданоқ унинг экспорти анча юқори бўлиб қолди. Шу боис, шу йили саримсоқ экспорти бўйича рекорд янгиланиши мумкин.
Ўзбекистон Европа Иттифоқига янги саримсоқ экспорт қилиш ва ҳатто АҚШга маҳсулот етказиб бериш бўйича маълум тажрибага эга. Унинг Европа Иттифоқи давлатлари ва АҚШга экспорти асосан 2019 йилга тўғри келади.
Ўзбекистондан саримсоқ сотиб олган Европа Иттифоқи давлатлари орасида Латвия, Польша ва Чехия бор. Шунингдек, ҳар йили БААга кичик ҳажмдаги ўзбек саримсоқлари етказиб берилади.
Изоҳ (0)