Зеленский Исроилнинг Украинага нисбатан сиёсатидан ҳайратда қолганини билдирди

Украина президенти Зеленский Исроил томонидан ҳарбий ёрдам берилмаганидан ҳайратда эканлигини билдирди, деб хабар беради «Lenta.ru».

«Исроил бизга ҳеч нарса етказиб бермади, бутунлай ҳеч нарса. Улар ўз ерларини ҳимоя қилишлари кераклигини тушунаман, лекин мендаги маълумотларга кўра, Исроил ўз қуролларини бошқа давлатларга экспорт қилади», — дейди Украина раҳбари.

Бундан ташқари, у бошқа давлатларни ҳам Украинага ёрдамни кучайтиришга чақирди. Унинг сўзларига кўра, Франция ва бошқа давлатлар бундан ҳам кўпроқ қурол-яроғ, хусусан, дронларни юбориши керак.

«АҚШ президенти Жо Байден менга кўп нарса сўраяпсиз, лекин мен сизни тушунаман, деб айтди. Эммануэль Макрон ҳам бизга кўпроқ ёрдам кераклигини билади», — деди Зеленский.

Аввалроқ НАТО бош котиби Йенс Столтенберг мудофаа компанияларини Украинага доимий етказиб бериш ҳисобига сезиларли даражада камайган қурол ва ўқ-дорилар захираларини тўлдириш учун ишлаб чиқаришни тезлаштиришга чақирган эди. Унга кўра, айнан АҚШ Киевга мисли кўрилмаган ёрдам кўрсатган.

Мавзуга доир:

• «Мен нима бўлаётганини русларга рус тилида тушунтираман» — Зеленский россияликларга рус тилида мурожаат қилди
• Зеленский Германиядан танклар етказиб беришни сўради