Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола этамиз.
Актриса Наргиза Салмонова яқин инсонларининг розилиги билан ижодга қайтганини маълум қилди.
Бир қанча хит тароналар ижрочиси Муниса Ризаева янги клипида актриса Юлдуз Ражабова бош ролни ижро этаётганини маълум қилди.
Актриса Муқаддас Саъдуллаева телеканаллардан бирида бошловчилик фаолиятини бошлаганини ва тез кунларда янги кўрсатувни мухлисларига тақдим этиши ҳақида гапирди.
Хонанда Севинч Мўминова қизи Лейлани туғилган куни билан табриклади.
Шунингдек, Севинч Мўминова Макка шаҳридан кўриниш берди ва Аллоҳдан гуноҳларини кечиришини сўраб, йиғлаб юборди.
Шоҳруххон Асал Шодиева тушган ҳазил видеосини эълон қилди. Видеода гапирадиган тўти Асал Шодиевага Шоҳруххон билан боғлиқ «ҳақиқатлар»ни гапирган.
Ботир Қодиров яқин дўстларига ўз қўли билан шўрва тайёрлаётгани акс этган видеони эълон қилди.
Райҳон саҳифасига янги суратини жойлади ва мухлисларини яхши кўриши ҳақида гапирди.
Дилноза Кубаева актёр, қизиқчи Валижон Шамсиевни учратиб қолгани ва у билан суҳбати акс этган видеони мухлисларига кўрсатди.
Актёр, қизиқчи Зокир Очилдиев Жаҳонгир Позилжонов АҚШдан келганини ва у ҳам IPhone 14 Pro Max сотиб олганини маълум қилди.
Актриса, «Браво» кулги жамоасининг аъзосига айланган Дурдона Қурбонова саҳнада мухлисларини кўриш бошқача экани, салбий изоҳ ёзувчи инсонларни деб қалби пок мухлисларидан воз кечмаслиги ҳақида гапирди. У, шунингдек, 11 кун саҳнада жонли концерт бериш осон иш эмаслигини таъкидлади.
Шаҳло Зоирова тўй хизматларининг бирида шоу-бизнесдаги яқин дугонаси раққоса Паризодани туғилган куни билан табриклади.
«Қодирхон» сериалидаги Даврон образи орқали мухлислари эътиборига тушган актёр Даврон Асқаров уйланмоқда. У Қўқондаги уйида наҳор ошига тайёргарлик жараёнлари акс этган видеони эълон қилди. Шунингдек актёрнинг ҳамкасблари унга бахт тилаган.
Хонанда Ҳулкар Абдуллаева Испаниянинг Барселона шаҳрида тушган сурати билан кўриниш берди.
Зоҳиршоҳ Жўраев АҚШдаги яқин қариндоши унга IPhone 14 совға қилганини маълум қилди.
Маҳоратли раққоса Паризода туғилган кунини мусиқалардан холи, сокин жойда, яқинлари даврасида нишонлагани акс этган видеони намойиш қилди. У шовқин жойларга боришдан толиққани ҳақида гапирган.
Нилуфар Усмонова янги суратини саҳифасидаги обуначиларига намойиш қилди ва симпатия ҳасадни қозонадиган энг яхши совға экани ҳақида гапирди.
Шоу-бизнесдаги яқин инсонларга айланган Малика Равшанова Нодир Зоитов, «Фарҳод ва Ширин» гуруҳи хонандаси Ширин билан ош тайёрлагани акс этган видеони мухлисларига кўрсатди.
Лола янги машинасида илк марта фарзандларини мактабдан олишга борди. У фарзандларига машинаси ёққанини айтди.
«Аристократлар» кулги жамоасининг аъзоси Сарвар Мирзаалимов актриса Шаҳзода Муҳаммедова билан бирга «Кавказ асираси» фильмидаги машҳур образларни гавдалантиргани акс этган суратни саҳифасига жойлади.
Актриса, дизайнер Шаҳзода Муҳаммедова Хуррам Султон образида кўриниш берди. Маълумот учун, у XIV Тошкент халқаро кинофестивалида ташкил этилган «Турк кино кунлари» ижодий кечасида шу образда бошловчилик қилди.
Нилуфар Усмонованиг мухлиси унга аталган гулдастани Юлдуз Усмоновага берди.
Мавзуга доир:
- Instagram: Паризодага аталган романтик сюрприз, янги машинали бўлган Азамат Аҳроров, iPhone 14 харид қилган машҳурлар.
- Instagram: Умра сафарига кетган Севинч, фарзанд кутаётган Маржона Мирзаалиева, кузатувчиларини йиғлатган Феруза Норматова.
- Instagram: 55 минг долларга машина олган Лола, Дилдора Ниёзовага аталган сюрприз, актриса эканлигидан пушаймон бўлган Райҳон Уласенова.
- Instagram: Пойтахтдан хонадон харид қилган вайнер, янги машинали бўлган актриса, Бурак Ўзчивит билан танишган санъаткорлар.
Изоҳ (0)