Ҳар йили анъанавий тарзда ўтказиладиган Siena Creative Photo Awards танловига 128 та мамлакатдан фотосуратчиларнинг ўн минглаб фотолари тақдим этилган. Ғолиб ва совриндорлар 17 та йўналиш бўйича аниқланган.
Танловда ғолиб бўлган барча асарлар жорий йилнинг ноябрь ойида Siena Awards фестивали доирасида Италиянинг Siena шаҳрида намойиш этилади.
Қуйида Euronews нашри бу йилги ғолиб деб топилган номинациялардан энг сара фотоларни тақдим этади.
Португалиялик фотограф Андре Ботонинг юқоридаги «Ёлғон иллюзия» асари танловнинг мутлақ ғолиби бўлди. Монтихо шаҳрида олинган бу сурат экзистенсиал муаммолар манбаси билан курашиш ўрнига, ифлосланишни эътиборсиз қолдириш ҳақида батафсил баён қилади.
Озиқ-овқат номинацияси ғолиби Юлий Василев бу фото билан консерваланган ва қайта ишланган озиқ-овқатларга ўрганиб қолиш ўрнига ҳақиқий ва янги маҳсулотлардан фойдаланиш муҳимлигини уқтирган.
Ушбу номинация ғолиби Ду Йининг ушбу сурати, 1793 йилда рассомнинг дўсти Жак-Луи Дэвиднинг ўлдирилган француз инқилоби етакчиси Жан-Поль Марат тасвирланган расмига ишора қилади.
Ду Йининг «ўйноқи» ва «истеҳзоли» сурати ўзида одам ва қути тасвирини сақлаб қолади. Бироқ хитойлик фотосуратчи Маратнинг юзини бекитган ҳолда қолдиришни афзал кўради.
Тўй номинацияси ғолиби деб топилган ушбу суратда италиялик фотограф Сальвадори, келиннинг кириб келишини кутаётган куёвнинг йиғлаб юборган инсоний унутилмас лаҳзасини муҳрлаган.
Экспериментал номинацияси ғолиби австралиялик фотосуратчи Жо Хоуэлл эса, ўз суратида чумолилар колониясини ғайриоддий ҳолда бирлаштириш тасвири орқали, бир неча миллион инсонлар ўртасида ҳам ўзаро ҳамкорлик зарурий масала эканини англатмоқчи бўлади.
Бу сурат — ҳатто энг кичик мавжудотларда ҳам ўзаро боғланадиган мураккаб муносабатларни ҳамда инсоният ўртасидаги ҳар бир киши, ҳатто бирор оила ёки жамоага келган энг сўнгги ёш бола ҳам қандай муҳим рол ўйнашини кўрсатишга уринишдир. Бу тасвирни яратиш учун мендан анча сабр-тоқат талаб қилинди.Жо Хоуэлл австралиялик фотосуратчи
Концептуал номинация ғолиби бўлган бу асар испаниялик фотограф Таниа Барренетхеага тегишли. У ўз суратида диққат марказига «Руҳий саломатлик» ҳолатини олади. Таниа асарини тушкунлик билан курашаётган бир пайтида яратган ва ўз кечинмаларини тасвирлар орқали ифодаламоқчи бўлган.
Изоҳ (0)