Шавкат Мирзиёев Россия Федерал Кенгаши раиси ўринбосари Галина Карелова билан учрашди

Шавкат Мирзиёев 8 сентябрь куни парламентлар аёл раҳбарларининг халқаро саммитида иштирок этиш учун Тошкентда бўлиб турган Россия Федерацияси Федерал Мажлиси Федерация Кенгаши раисининг ўринбосари Галина Кареловани қабул қилди. Бу ҳақда президент матбуот котиби хабар қилди.

Қайд этилишича, давлат раҳбари Ўзбекистон—Россия стратегик шериклик ва иттифоқчилик муносабатларида кейинги йилларда юқори даражага эришилганини таъкидлаган. Кўп қиррали ҳамкорлик ривожланиб бораётганини алоҳида қайд этилган.