Америкалик тадбиркор Илон Маскнинг фикрича, дунё ҳали ҳам нефть ва газга жуда муҳтож. Бу ҳақда у Норвегиянинг Ставангер шаҳрида бўлиб ўтган энергетика ва технологиялар бўйича ONS-2022 халқаро анжуманида маълум қилди.
Қисқа муддатда инсоният ҳали ҳам нефть ва газга муҳтож, акс ҳолда цивилизация барбод бўлади. Айниқса, бугунги кунда Россияга қарши санкциялар шароитида цивилизациямизни сақлаб қолиш учун нефть ва газ керак, — деди Маск.
Унинг фикрича, ҳар қандай ақли расо одам шундай хулосага келади.
Норвегиянинг континентал шелфда нефть ва газ излаётганига ишора қилиб, Маск ҳозирги шароитда ёқилғи учун маълум даражада қўшимча қидирув ишларини олиб бориш мумкинлигини таъкидлади.
Шу билан бирга, у барқарор энергияга ўтишни тезлаштириш муҳим, деб ҳисоблайди.
Аввалроқ Маскнинг клубни сотиб олиш ҳақидаги ҳазилидан сўнг Манчестер Юнайтед акциялари 17 фоизга ошгани ҳақида хабар берилганди.
Изоҳ (0)