Токиода таксилар нархи 15 йил ичида биринчи марта мамлакатда умумий нархларнинг ошиши фонида кўтарилиши мумкин. Бу ҳақда Bloomberg хабар берди.
Япония Ер, инфратузилма, транспорт ва туризм вазирлиги бошланғич тарифни 19 фоизга ва дақиқалик ҳисоб-китобни 20 фоизга оширишни тавсия қилди. Янги тарифлар ноябрь ойида кучга кириши кутилмоқда.
Йўл ҳақини ошириш таксичиларга ҳайдовчилар иш ҳақини ошириш ва ёқилғи нархининг ошишини қоплаш учун керак, — деди вазирлик.
Японияда истеъмол нархлари июнь ойида ўтган йилнинг шу ойига нисбатан 2,4 фоизга ошди.
Инфляция май ойида 2,5 фоиздан секинлашди, аммо етти ярим йил ичидаги энг юқори даражага яқинлигича қолмоқда.
Япония банки жорий йилда асосий инфляция (озиқ-овқат нархларидан ташқари) 2,3 фоизни ташкил этишини кутмоқда.
Аввалроқ Японияда кучли ёмғир туфайли 100 мингдан ортиқ одам эвакуация қилиш учун огоҳлантирилгани ҳақида хабар берилганди.
Изоҳ (0)