АҚШ ҳарбий-денгиз кучларининг йирик десант кемаси USS Kearsarge, жума куни Хелсинкининг Hernesaari портига етиб келади, деб хабар бермоқда «Интерфакс».
Кема пойтахт портида уч кун қолади, бироқ ташриф давомида бортда оммавий тадбирлар ўтказилмайди», — деди Финляндия ҳарбий-денгиз кучлари матбуот хизмати.Душанба (8 август) куни USS Kearsarge, USS Arlington ва USS Gunston Hall ҳамроҳлигида Болтиқ денгизининг шимолий қисмига сузиб боради.
Шунингдек, 19 августга қадар Ханко минтақаси, мамлакатининг жанубий қисмидаги Ханкониэми ва Упинниэми ҳудудлари соҳилида АҚШ ва Финляндия ҳарбий-денгиз кучларининг қўшма машғулотлари ўтказилади.
Америка кемаларида 2 мингга яқин денгизчилар ва АҚШ денгиз пиёдалари корпусининг аскарлари бор.
Машғулотларда Финляндиядан ҳарбий-денгиз кучлари штаб-квартираси, Ууденмаа бригадаси, қирғоқ бригадаси ва қирғоқ қўриқлаш қўшинлари ҳамда кемалари иштирок этмоқда.
Машғулотлар давомида икки давлат қуролли кучларининг ўзаро мувофиқлигини ривожлантириш, жумладан, Финляндияни НАТО қўшинлари қабул қилувчи давлат сифатида қўллаб-қувватлаш масалалари ишлаб чиқилади.
Машғулотларни ўтказиш операциялари Финляндия ҳаво кучларининг Hornet қирувчи самолётлари, шунингдек, АҚШнинг Chinook ва Blackҳаwк вертолётлари томонидан қўллаб-қувватланади.
Финляндия ҳарбий-денгиз кучлари машғулотлар «сув ва ҳаво фаоллиги бўйича сезиларли кема ҳаракати билан бирга бўлиши ҳамда Ханкониэми ва Упинниэми ҳудудларида ҳавода кўп шовқин келтириб чиқариши» ҳақида огоҳлантирган.
Америка кемаларининг ташрифи чоршанба куни АҚШ Сенати Финляндиянинг НАТО аъзолигини ёқлаб овоз берганидан бир неча кун ўтиб амалга оширилди.
18 май куни Финляндия ва Швеция альянсга қўшилиш учун ариза берганидан кейин Қўшма Штатлар НАТОнинг 23-давлатига айланди.
Ҳаммаси бўлиб альянс таркибига 30 та давлат киради, уларнинг аксарияти Финляндия ва Швецияни қабул қилиш тарафдори бўлган. Туркиянинг якуний позицияси ҳали аниқ эмас, гарчи у июнь ойида Финляндия ва Швецияни НАТОга аъзоликка таклиф қилишга келишиб олган бўлса ҳам.
Мавзуга доир: АҚШ Сенати Швеция ва Финляндиянинг НАТОга қўшилишини маъқуллади
Изоҳ (0)