Сирдарё вилояти Оқолтин туманида ноқонуний ўқ-дори сақлаш ҳолати аниқланди. Бу ҳақда вилоят ички ишлар бошқармаси ахборот хизмати хабар берди.
Олинган маълумотга кўра, Ховос туман ИИБ ЖҚБ ходимлари томонидан олиб борилган тезкор тадбир давомида 1975 йилда туғилган, Оқолтин туманида яшовчи фуқаро О.У.нинг яшаш хонадони кўздан кечирилган.
Жараён давомида унинг омборхонасида қора целлофанга ўралган жами 8 дона, шундан 6 донаси бўш (отилган), 2 донаси жанговар ҳолатдаги патрон борлиги аниқланиб, ашёвий далил сифатида олинган.
Ҳозирда мазкур ҳолат юзасидан суриштирув ишлари олиб борилмоқда.
Изоҳ (0)