Россиядаги Ўзбекистон фуқароларининг 923 минг рублдан ортиқ пули ундириб берилди

Ташқи меҳнат миграцияси агентлигининг Москва шаҳридаги ваколатхонасига 18 нафар Ўзбекистон фуқароси ҳақ-ҳуқуқлари бузилаётганидан шикоят қилиб, мурожаат қилган.

Маълум бўлишича, Тула шаҳридаги иш берувчи ва ишчилар ўртасида «воситачилик» билан шуғулланган фуқаро қурилиш объектида юртдошларимизни ишлатиб, иш ҳақини бермаган.

Агентликнинг Тула шаҳридаги вакили томонидан мазкур ҳолат ўрганилиб, фуқароларнинг 923 минг 764 рубль миқдоридаги пули «воситачи»дан ундириб берилди.