Қорақалпоғистон Жўқорғи Кенгесининг 20 июль куни бўлиб ўтган ХХХИ сессиясида депутатлар Шавкат Мирзиёевга мурожаат йўллади. Бу ҳақда «Янги Ўзбекистон» хабар қилди.
Сессияда Қорақалпоғистон ҳудудида 2 июлдан жорий этилган фавқулодда ҳолатни бекор қилиш ва оммавий тартибсизликларни содир этганликда гумонланган айбсиз фуқароларни, хусусан, ёшларни афв этиш юзасидан депутатларнинг президентга мурожаатини тасдиқлаш масаласи кўриб чиқилди.
Унда депутатлар, маҳалла фаоллари, туман ҳокимлари сўзга чиқиб, бўлиб ўтган кўнгилсиз воқеаларга ўз муносабатини билдирди ва Қорақалпоғистон халқининг бугунги кайфияти хусусида фикр билдирди.
Ҳудудда ҳаёт ўз маромида давом этаётгани маълум қилинди.
Изоҳ (0)