Футбол бўйича U-23 Осиё Кубоги финали доирасида Ўзбекистон ва Саудия Арабистони терма жамоалари 19 июнь, якшанба куни ўзаро баҳс юритди.
Учрашувнинг биринчи бўлими тенг курашлар остида ўтди. Иккинчи бўлим дебютида Ҳамид ал-Ғамди саудияликларни олдинга олиб чиқди. 74-дақиқада Ферас ал-Байканнинг зарбаси голга айланди. Қолган вақтда ҳисоб ўзгармади.
Шу тариқа Саудия Арабистони U-23 терма жамоаси Ўзбекистонда ўтган Осиё Кубоги ғолибига айланди.
Ўзбекистон олимпиячилари гуруҳда Туркманистон, Эрон ва Қатарни ортда қолдирган ҳолда, биринчи ўрин билан чорак финалга йўл олди. Драматик ўйинда Ироқни енгган мезбонлар ярим финалда Японияга имкон қолдирмади.
Саудияликлар ўз гуруҳида Япония, БАА ва Тожикистондан ўтиб, чорак финалга чиқди. Аввалига Вьетнам, кейин эса Австралия 2:0 ҳисобида мағлубиятга учратилпфтди. Қайд этиш керак, Саудия Арабистони ушбу мусобақада бирорта гол ўтказиб юбормади.
U-23 Осиё Кубоги—2022
Финал баҳси
19 июнь, якшанба
Ўзбекистон U-23 — Саудия Арабистони U-23 0:2
Голлар: 0:1 – 50 Ҳамид ал-Ғамди, 0:2 – 74 ал-Байкан.Ўзбекистон U-23: 12. Владимир Назаров, 2. Саидазамат Мирсаидов, 3. Достон Турсунов, 5. Муҳаммадқодир Ҳамралиев, 7. Ҳожимат Эркинов, 9. Улуғбек Ҳошимов, 10. Жасур Жалолиддинов, 17. Диёр Холматов, 18. Алибек Давронов, 19. Ҳусайн Норчаев, 23. Абдурауф Бўриев.
Захира: 21. Ҳамидилло Абдунабиев, 4. Абубакрризо Турдиалиев, 6. Жалолиддин Содиқов, 11. Отабек Жўрақўзиев, 13. Элдорбек Бегимов, 14. Аббосбек Файзуллаев, 15. Одил Абдумажидов, 16. Шахзод Тоиров, 20. Русланбек Жиянов, 22. Алишер Одилов.
Саудия Арабистони U-23: 1. Наваф ал-Ақиди, 5. Ҳассан Тамбакти, 6. Иброҳим Маҳнаши, 7. Айман Яҳё, 8 Ҳамид ал-Ғамди, 9. Ферас ал-Байкан, 11. Аҳмад ал-Ғамди, 12. Мотеб ал-Ҳарби, 13. Ҳамад ал-Ями, 15. Ҳусайн ал-Эйса, 23. Сауд Абдулҳамид.
Изоҳ (0)