Тошкентнинг Сергели туманида янги барпо этилган йўл бўйлаб қурилган йиғма деворнинг бир қисми қулаганлиги тўғрисида видео ижтимоий тармоқларда тарқалди. Туман ҳокимлиги ҳолат юзасидан муносабат билдирди.
Унда «Ўзгидромет» 21—24 май кунлари кучли шамол эсиши тўғрисида огоҳлантиргани эслатиб ўтилган ва ушбу девор ортида катта очиқ майдон бўлгани сабабли шамолнинг бир қанча кучли бўлгани билдирилган.
Маълум қилинишича, Сергели тумани ҳокимлиги томонидан мазкур ҳолат бўйича ўрганиш ўтказилган бўлиб, ўрганиш натижаларига кўра, ушбу камчилик пудратчининг деворни мустаҳкам ўрнатмаганлиги билан боғлиқ бўлгани сабабли пудратчи ўз ҳисобидан деворни таъмирлашга киришди.
«Сергели туман ҳокимлиги туманни ободонлаштириш ҳамда бу каби камчиликларни аниқлашда фаол бўлган фуқароларга ўз миннатдорчилигини билдиради. Шу билан бирга, келтирилган ноқулайлик учун узр сўрайди», — дейилади ҳокимлик хабарида.
Изоҳ (0)