Наманганда 61-халқаро гуллар фестивалининг бошланишига 5 кун вақт қолди. Бу ҳақда «Дарё» мухбири Азизбек Абдувалиев хабар бермоқда.
Фестиваль 22 май куни старт олиб, 5 июнда якунига этади ва илк бор икки ҳафта давомида бўлиб ўтади.
Байрамнинг асосий тадбирлари Наманган шаҳридаги Бобур номли боғда ўтказилиши кўзда тутилган.
Боғ ҳудудида вилоятнинг шаҳар-туманлари, йирик корхона, ташкилот ва компанияларнинг гул кўргазмалари ташкил этилган.
Бобур боғи атрофидаги ҳудудда эса профессионал ва ҳаваскор гулчилар етиштирган гуллар, кўчатлар намойиш этилади ва сотуви ташкиллаштирилади.
Боғ ҳудудини айланиб чиқиш учун электромобиллар ва муқобил энергия ёрдамида ҳаракатланадиган бошқа транспорт воситалари қатнови йўлга қўйилган. Болалар учун мўлжалланган ўйинчоқ автомобилларни эса санаб адоғига етиш қийин.
Халқаро гуллар фестивали бошланишига ҳали деярли бир ҳафта вақт бўлса ҳам, тадбир ўтказиладиган Бобур номли боғ аллақачон наманганликлар ва меҳмонлар билан гавжум.
Изоҳ (0)