Қат-қат хамирдан тайёрланадиган пишлоқли сомса рецепти

Lifehacker нашри хамири қат-қат ҳамда начинкасига пишлоқ қўшиб тайёрланадиган юмшоққина сомса рецепти билан бўлишди.

Керакли маҳсулотлар:

• пишлоқ — 250 грамм;
• саримсоқ — 1 дона;
• тухум — 1 дона;
• хамиртурушсиз тайёр қатламали хамир — 500 грамм;
• сут — 1 ош қошиқ;
• кунжут — 1 ош қошиқ.

1. Пишлоқ ва саримсоқ яхшилаб майдаланади. Тухум оқи сариғидан ажратиб олинади.
2. Пишлоқ, саримсоқ ва тухум оқи аралаштирилади. Хамир 6-8 миллиметр қалинликда ёйилади.
3. Хамир рулет шаклида ўралиб, 12 та бўлакка бўлинади.
4. Ҳар бир хамир ёйилиб, ўртасига пишлоқли начинкадан бир ош қошиқ қўйилади.
5. Сомса учбурчак шаклда тугилади.
6. Печ олдиндан 180 даражада қиздирилади. Листга пергамент қоғоз солинади.
7. Устидан сомсалар териб чиқилади. Тухум сариғи сут билан аралаштирилиб, сомсалар устига суртилади.
8. Сўнгра кунжут сепиб, 20 дақиқага печга қўйилади.
9. Сомсалар юзаси қизаргунча пиширилади.