Россия давлат думаси Ўзбекистон ҳукумати билан мамлакатда қолишнинг соддалаштирилган тартиби тўғрисидаги келишувни ратификация қилди. Бу ҳақда Россия парламенти қуйи палатаси хабар берди.
Ҳужжат билан Ўзбекистон фуқаролари ва Ўзбекистонга кирган россияликлар учун мамлакатга кирган кундан бошлаб 15 кун (ҳозирда 7 кун) ичида мажбурий рўйхатдан ўтишни бекор қилиш таклиф қилинмоқда.
Маълум қилинишича, мамлакатлар ҳукуматлари ўртасидаги келишув 2021 йилнинг 21 майида Москвада ва 2021 йилнинг 17 июнида Тошкентда имзоланган.
Худди шундай ёндашув Беларусь, Қозоғистон, Тожикистон, Арманистон ва Қирғизистон фуқароларига, шунингдек, ушбу давлатларга келган россияликларга ҳам тегишли.
Эслатиб ўтамиз, 2021 йилнинг августида Россияда муҳожирлар учун рус тилидан имтиҳон ўтказишнинг янги қоидалари жорий этилганди. Унга кўра, муҳожирлар энди рус тили, Россия тарихи ва қонунчилиги бўйича имтиҳонларда бериладиган тахминий саволларни олдиндан билиб олиши мумкин. Имтиҳонлар ёзма бўлади, лекин Россияда узоқ вақт қолишни истаганлар рус тилида мулоқот қилиш қобилиятини кўрсатиши керак. Аввалроқ эса Россияда мигрантларнинг мамлакатдан чиқиб кетиши кузатилаётгани ҳақида хабар берилган эди.
Изоҳ (0)