Шавкат Мирзиёев раислигида 15 апрель куни ўтказилган йиғилишда солиқ маъмурчилигига оид бир қатор топшириқлар берилди. Бу ҳақда президент матбуот котиби хабар қилди.
«Охирги солиқ маъмурчилиги бўйича ўзгаришлар тадбиркорлар ўртасида кўплаб тушунмовчилик ва саволларни келтириб чиқарди. Шунинг учун топшириғимга кўра, Молия вазирлиги ва Солиқ қўмитаси ҳузурида йирик тадбиркорлар, олимлар ва фаол жамоатчилар иштирокида Жамоатчилик кенгаши тузилди», — дейди президент.
Молия вазирлиги ва ДСҚга ҳар ҳафта тадбиркорлар билан учрашиш ва ижтимоий тармоқлар орқали тушган саволлар ва тизимли масалаларни муҳокама қилиш, уларнинг ечими бўйича таклифлар киритиб бориш топширилган. Рухсатнома бериш талабларини соддалаштириш ҳам тизимли равишда давом эттирилиши таъкидланган.
Бугунги кунда 200 дан ортиқ санитария талаблари мавжуд бўлиб, уларнинг 20 тасига амал қилишнинг умуман имкони йўқ. Шу муносабат билан:
- овқатланиш корхоналари учун санитария талабларини қайта кўриб чиқиб, эскирган талабларни бекор қилиш;
- етказиб бериш хизматлари билан шуғулланадиган корхоналарга санитария талабларини соддалаштириш вазифаси қўйилган.
Мавзуга доир:
- «Тадбиркорлардан талаб катта, лекин амалда ҳали натижа йўқ». Шавкат Мирзиёев ер участкларини аукционга чиқариш жараёни сустлигини танқид қилди
- Ўзбекистонда 3 ойда 5,5 мингта корхона фаолиятини тугатди
- Шавкат Мирзиёев 2022 йилда буғдой ҳосилини гектарига 70 центнердан камайтирмаслик бўйича топшириқ берди
Изоҳ (0)