Футбол бўйича Европа Чемпионлар Лигаси чорак финалининг дастлабки ўйинида «Ливерпуль» «Бенфика» устидан 3:1 ҳисобида ғалаба қозонди.
Ушбу ўйиндаги ғалабадан сўнг мерсисайдликлар клуб рекордини қайд этди. «Ливерпуль» ўз тарихида илк бор барча мусобақалар доирасида кетма-кет 8 та сафар ўйинида ғалаба қозонди.
Жамоа 1984 йилдан бери илк бор Чемпионлар Лигасида қаторасига 5 та сафар ўйинида ғолиб бўлди. Бундан ташқари жамоа жорий мавсум ЕЧЛ сафар ўйинларининг барчасида икки ва ундан ортиқ гол урди.
«Қизиллар»нинг «Бенфика»га қарши жавоб ўйини 14 апрель санасида «Энфилд»да бўлиб ўтади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)