Наманган шаҳридан Россиянинг Красноярск шаҳрига 29 мартдан бошлаб мунтазам авиақатновлар йўлга қўйилмоқда, деб хабар беради Uzbekistan Airways.
Қайд этилишича, шу куни «Шарқий» хаб лойиҳаси доирасида Uzbekistan Express Наманган—Красноярск—Наманган халқаро йўналиши бўйича илк парвозни амалга оширади. Ушбу йўналишдаги мунтазам авиақатновлар тўлиқ эконом форматида ҳафтанинг сешанба кунлари амалга оширилади. Рейслар жадвали қуйидагича:
- Намангандан учиш: 17:35 (Тошкент вақти билан)
- Красноярскка етиб бориш: 22:50 (Красноярск вақти билан)
- Красноярскдан учиш: 00:20 (Красноярск вақти билан)
- Наманганга етиб келиш: 01:55 (Тошкент вақти билан)
Эслатиб ўтамиз, Uzbekistan Airways Фарғона водийси шаҳарларидан талаб юқори бўлган йўналишлар бўйича парвозлар амалга ошириш учун «Шарқий» хаб ташкил этиши хабар қилинганди. Унга кўра, 2022 йилнинг 31 январидан бошлаб Uzbekistan Airways Express ҳаво кемаларида Full Economy (тўлиқ иқтисодий синф) тамойили асосида Намангандан Россиянинг 8 та шаҳрига тўғридан-тўғри мунтазам авиақатновларни амалга ошириш бошланади. Талаб ошгани сайин Намангандан йўналиш тармоғини кенгайтириш ҳам кўриб чиқилади. 30 январь куни Наманган халқаро аэропортидан «Шарқий хаб» лойиҳаси доирасидаги илк парвоз амалга оширилган.
Изоҳ (0)