Шавкат Мирзиёев 28 март куни соғлиқни сақлаш соҳаси вакиллари билан ўтказилган очиқ мулоқотда белгиланган вазифаларни амалга ошириш чора-тадбирларига бағишланган видеоселектор йиғилиши ўтказди. Унда тез тиббий ёрдам хизматидаги муаммолар кўрсатиб ўтилди, деб хабар бермоқда президент матбуот котиби.
Қайд этилишича, йиғилишда 24 та олис ҳудудда тез тиббий ёрдам бригадаларини тузиш ҳақидаги топшириқ бўйича март ойида фақат Андижон, Бухоро, Қашқадарё, Навоий, Самарқанд ва Тошкент вилоятларида 9 та бригада ташкил этилган. Лекин Қорақалпоғистон, Жиззах, Сурхондарё ва Хоразмнинг 15 та олис ҳудудида бу ишлар бошланмаган. Давлат раҳбари 10 апрелга қадар ушбу ҳудудларда тез тиббий ёрдам бригадаларини ташкил этишни топширган.
Шунингдек, очиқ мулоқотда тез тиббий ёрдам тизимидаги анестезиолог, реаниматологлар ойлик иш ҳақига 40 фоиз устама бериш ҳақида кўплаб мурожаатлар тушган. Бир ҳафта муддатда ушбу масалани ижобий ҳал қилиш бўйича тегишли қарор лойиҳасини ҳукуматга киритиш вазифаси қўйилган.
2022 йил инвестиция дастури доирасида тиббиёт муассасаларини қуриш ва таъмирлаш ишларига бюджетдан 1,2 триллион сўм ажратилган. Лекин бугунги кунга қадар 32 та поликлиника ва шифохоналарни таъмирлаш бўйича ишлар бошланмаган. Барча қурилиш ишларини 1 октябрга қадар якунига етказиш вазифаси қўйилган.
Мавзуга доир:
- «Бир ойлик амалий иш тизимига ўтамиз». Шавкат Мирзиёев вазир, раҳбар ва ҳокимлар ўзларининг ойма-ой режасини ишлаб чиқишини айтди
- «Барча марказлар раҳбарларини қатъий огоҳлантираман». Шавкат Мирзиёев апрель тиббиёт муассасалари учун синов ойи бўлишини айтди
- «Очиқ мулоқотдан кейинги ўзгаришларни нафақат тиббиёт ходимлари, балки ҳар бир хонадон сезиши шарт» — Шавкат Мирзиёев
Изоҳ (0)