Бой ва ҳар қандай таниқли одамлар энг сўнгги хавфсизлик тизимлари ҳамда шахсий қўриқчиларни фойдаланиши мумкин, аммо улар ҳам бахтсиз ҳодисалардан буткул ҳимояланмаган. Қуйида шов-шувли жиноятларнинг қурбони бўлган юлдузлар билан танишиш мумкин. Ахир, бу ҳолатлар яна бир бор машҳурларга инсоният билан боғлиқ нарсалар бегона эмаслигини исботлайди: улар ҳам йиғлайди, муаммога дуч келади ва жиноятчилардан азоб чекади.
Жулиана Мур
Машҳур Голливуд актрисаси ва ўғрилик билан боғлиқ машмашалар 2012 йилнинг май ойида авж олди. Маълум бўлишича, ўғрилар унинг Нью-Йоркдаги уйидан жуда кўп миқдордаги тақинчоқларни олиб чиқиб кетган. Хабарга кўра, актрисанинг умумий қиймати 127 минг доллар бўлган маржонлари, билагузуклари ва қимматбаҳо соатларини ўғрилар томонидан олиб кетилган.
Бенедикт Камбербетч
2005 йилда Бенедикт Жанубий Африкадаги лойиҳани суратга олишда иштирок этди. Суратга тушишдан бўш кунларнинг бирида актёр дўсти билан бирга сузиш учун қирғоққа борди. Аммо йўлда уларнинг машинасига қуролланган қароқчилар ҳужум қилган, улар сайёҳларни ўғирлаб, боғлаб, машина юкхонасига солиб қўйган. Яхшиямки, ҳикоя бахтли якун билан тугади. Аммо ўлим ёқасида бўлган юлдуз ўзбошимчалик билан қабул қилинган қарорлар нимага олиб келишини умрининг охиригача эслаб қолади.
Ким Кардашьян
2016 йилда машҳур телеюлдузи Ким Кардашьян Париждаги меҳмонхонада қолган вақтда талончилар қурбони бўлган. Маълум бўлишича, полиция кийимидаги эркаклар унинг хонасига бостириб кириб, уни тўппонча билан қўрқитиб, гаровга олган. Ўша оқшом қароқчилар Кимдан тахминан 11 миллион долларлик барча заргарлик буюмларини, шу жумладан, Канье Уэст совға қилган 20 каратли тўртбурчак олмосли узукни олишга муваффақ бўлган. Моделнинг ўзи жисмоний зарар кўрмаган бўлс-да, лекин қимматбаҳо буюмларни кўз-кўз қилмаслик кераклигини билиб олди.
Жон Леннон
Қўшиқларида бир неча авлод ўсган Жон Леннон, унинг мусиқаси кимнингдир, айниқса ўзининг ўлимига сабаб бўлишини қайдан ҳам билсин. 1980 йил 8 декабрда машҳур британиялик мусиқачи орқа қисмидан 4 та ўқ жароҳатини олди ва бир неча дақиқадан сўнг операция столида қон йўқотишдан вафот этди. Ижрочи ўзининг қотили ва ярим кунлик мухлиси Марк Дэвид Чепмен билан ўлимидан бир неча соат олдин учрашган ва ҳатто унга дасхат ҳам ёзиб берган.
Шерон Тейт
Шерон Тейтнинг тақдири Голливуд даҳшатли эртаги тарзида якунланди. 1969 йил 8 августда Чарльз Менсон гуруҳининг тўрт нафар аъзоси Роман Полански ва унинг ҳомиладор рафиқаси, актриса Шерон Тейтнинг уйига бостириб киришди ва уйдагиларнинг барчасини шафқатсизларча ўлдиришди. Дарвоқе, қотиллар умрбод қамоқ жазосига маҳкум қилинган.
Мавзуга доир:
- Машҳур фильмларнинг суратга олиш жараёнида жиддий жароҳат олган Голливуд юлдузлари (фото)
- Сирларини ошкор қилиб мухлисларининг янада кўпроқ меҳрига сазовор бўлган Голливуд юлдузлари
- Кал Майкл Жексон, етим Мерилин Монро — машҳурлар ҳақида сиз билмаган фактлар
- Умр йўлдошидан айрилган ва яна бахтини топа олган Голливуд юлдузлари (фото)
Изоҳ (0)