Сурхондарё вилояти Сариосиё туманида фуқаронинг ўқишини пул эвазига кўчириб беришни ваъда қилган шахс қўлга олинди, деб хабар беради Бош прокуратура ҳузуридаги департамент.
Маълум қилинишича, департаментнинг Сариосиё туман бўлими томонидан тезкор тадбир ўтказилган. Тадбир давомида К.I. исмли шахс фуқаро Ш.нинг ишончига кириб, 1,5 минг доллар эвазига Тожикистондаги ўқишини Ўзбекистондаги олий таълим муассасасига кўчириб бериш ҳамда ишга жойлаштириб қўйишни ваъда қилгани аниқланган. К.I. келишилган пулдан 1,3 минг долларни олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Аввалроқ Андижон ва Хоразм вилоятларида фуқароларни ўқишга киритиш учун жами 3 минг доллар олган шахслар ушлангани, Фарғонада 30 нафар талабанинг ўқишини Қирғизистондан Ўзбекистонга кўчириб бериш учун 67 минг доллар олган шахслар қўлга олингани тўғрисида хабар берилганди.
Мавзуга доир:
- Қашқадарёда фуқародан укаси ва жиянининг хориждаги ўқишини ҚарДУга кўчириб бериш учун 6 минг доллар олган шахс ушланди
- Фарғонада фуқаронинг Тожикистондаги ўқишини 1,2 минг доллар эвазига кўчириб беришни ваъда қилган шахс ушланди
- Тошкент вилоятида фуқарони хорижий ОТМга киритиб қўйиш ва бир йилдан кейин ўқишни Ўзбекистонга кўчириб бериш учун 10 минг доллар сўраган шахслар ушланди
Изоҳ (0)