Тошкентдан Екатеринбург шаҳрига қўшимча авиақатновлар амалга оширилади

Тошкент—Екатеринбург—Тошкент йўналиши бўйича 13 ва 20 март кунлари қўшимча авиақатновлар жорий этилади. Бу ҳақда Uzbekistan Airways хабар қилди.

Қайд этилишича, парвозлар жадвали қуйидагича:

• Тошкентдан учиш: 19:00 (Тошкент вақти билан)
• Екатеринбургга етиб бориш: 22:00 (Екатеринбург вақти билан)
• Екатеринбургдан учиш: 23:40 (Екатеринбург вақти билан)
• Тошкентга етиб бориш: 02:30 (Тошкент вақти билан)

Аввалроқ Росссиянинг iFly авиакомпанияси 5 март санасидан бошлаб Ўзбекистонга бажарилиши кутилаётган ҳамда барча режалаштирилган йўналишларда ўз парвозларини номаълум муддатга тўхтатганди. Шунингдек, Smartavia авиакомпанияси ҳам 7 март кунига режалаштирилган Москва—Урганч—Москва йўналишидаги парвозни бекор қилди.

Эслатиб ўтамиз, Uzbekistan Airways эса Россия ҳаво ҳудудининг бир қисми ёпилиши билан боғлиқ чеклов сабаб бир қатор шаҳарларга парвозлар жадвали ва йўналишини ўзгартирди. Унга кўра, 3 мартдан 26 мартгача Ўзбекистон—Сочи—Ўзбекистон йўналишида қўшимча қатновлар жорий этилиб, Краснодар ва Ростов-Дон шаҳарларига режалаштирилган парвозлар Сочи шаҳрига амалга оширилади.