Рубльнинг сўмга нисбатан қиймати икки йил ичида энг паст кўрсаткичга тушиб кетди

Марказий банк хорижий валюталарнинг ўзбек сўмига нисбатан 25 февралда амалда бўладиган қийматини белгилади. 

Унга кўра, рублнинг расмий курси 7,71 сўмга пастлаб 128,70 сўмга тушди. Бу сўнгги икки йил ичида энг паст кўрсаткич бўлди — 2020 йилнинг март ойида рубль курси 120 сўмни ташкил қилган эди.

Сўнгги уч кун ичида рублнинг сўмга бўлган қиймати 10 фоизга пастлади. 21 февраль куни рубль курси 143,12 сўм эди.

Аввалроқ евронинг қиймати 101 рублга, долларники эса 90 рублга яқинлашгани ҳақида хабар берилган эди.