«Рақамларни кўряпсизми? Агар шундай бўлса, неча рақам?», — деб ёзади Benonwine номли Twitter фойдаланувчиси оптик иллюзияга эга твитга.
Ушбу оддий тасвир орқали кўришнинг юқори контрастли сезгирлиги бор ёки йўқлигини билиб олиш мумкин. Бошқача қилиб айтганда, объектлар ва фон ўртасидаги фарқни қанчалар аниқ кўра олиш текширилади.
Изоҳларда жуда ҳам кўп турли хил жавоблар мавжуд. Кўпчилик 528, 45283 ва 15283 ни кўрган.
«Мен етти рақамини кўрмоқдаман. Баъзи одамлар фақат 3 ва 5 ни кўряпти», – деб жавоб берди @suzihands.
«Мен 45283 рақамини кўряпман, лекин бошқа жавобларга қараб, яна иккита рақамни кўрдим. Мен у ерда бошқа рақамлар борлигини кўряпман, лекин уларни аниқлай олмаяпман», – деб ёзган @PaulChocky.
Аниқ жавобни билмоқчимисиз?
3452839 – бу иллюзияда яширинган рақам. Рақамларнинг бундай комбинациясини кўрганлар кўришнинг юқори контрастли сезгирлигига эга.
«Пиксел зичлиги катта рол ўйнайди, шунинг учун четдаги рақамларни ҳамма ҳам кўра олмаслиги табиий. Бунинг учун кўриш вақтида суратни кичрайтириш ёки тез айлантириш керак. Бу 3452839 рақамини кўришни анча осонлаштиради», – дейди @stimpygato.
Изоҳ (0)