Ўзбекистон 2022 йилнинг январь ойида 3 та хорижий давлатдан қиймати 3,1 миллион долларга тенг 122 та электромобиль импорт қилган. Бу ҳақда Давлат статистика қўмитаси хабар қилди.
Қайд этилишича, электромобиль импорти 2021 йилнинг мос даврига нисбатан 70 тага ошган.
Январь ойида Ўзбекистон электромобилларни, асосан, Хитойдан импорт қилган — 119 та. Кейинги ўринларда Эстония (2 та) ва Германия (1 та) жойлашган.
Аввалроқ Ўзбекистонда электромобиль тармоғини ривожлантириш стратегияси ишлаб чиқилиши, «Ўзавтосаноат» электромобиль ишлаб чиқарувчи BYD компанияси билан ҳамкорлик қилиши хабар қилинганди.
Изоҳ (0)