Машҳур Голливуд актёри Ричард Гир ўзининг Паунд-Риждаги (Нью-Йорк, АҚШ) уйини 28 миллион долларга сотувга қўйди. Актёрнинг уйига тегишли суратлар Compass нашрида пайдо бўлди, деб ёзади «Korrespondent.net».
Гир ушбу кошонада тахминан 20 йил яшади. 2000 йилда қурилган қаср кенг ҳудудда, аниқроғи уч гектарда жойлашган. Унда бассейн, пляж, отхоналар, курорт ва футбол майдони мавжуд.
Уйнинг ўзи уч қаватли бўлиб, саккизта ётоқхона, тўққизта ҳаммом, бир нечта ошхоналар ва меҳмонхонадан иборат.
Ички макон табиий материалларга урғу берилган ҳолда очиқ рангларда яратилган.
Шунингдек, уйда замонавий маиший техника ва гитара коллекцияси учун алоҳида хона мавжуд.
Изоҳ (0)