Instagram: Иккинчи хотин бўлмайдиган Муниса Ризаева, қўшнилари тинчини бузаётган Феруза Норматова, рафиқаси билан ярашган Зоҳид

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларини эътиборингизга ҳавола этамиз.

Ситора Фармонова Озод Хуррамов билан янги режалар тузмоқда.

Шоҳруҳхон иккинчи ўғли Бахтиёр билан Тошкентга қайтишганида яқинлари уларни қай тарзда кутиб олгани ҳақидаги видеони саҳифасига жойлади.

Дилсўзнинг ўғли Муҳаммадсалоҳ ҳаётидаги муҳим кунни бошдан кечирди.

Ўзбекистон халқ артисти Юлдуз Усмонова «Тун» деб номланган янги қўшиғини мухлислари эътиборига ҳавола этди.

Севара Солиева ўғли Муҳаммад билан бирга тушган суратини саҳифасига жойлади.

Феруза Норматова уйини таъмирлаб, унга тинчлик бермаётган қўшниларидан шикоят қилди.

Хонанда Ҳулкар Абдуллаева Туркияда ҳордиқ чиқармоқда.

Хонанда Зоҳид рафиқаси Камола билан ярашиб олган кўринади. Улар биргаликда Истанбул шаҳрига учиб кетди.

Зоҳиршоҳ Жўраевга Самарқандда отасининг сурати туширилган қаҳва тайёрлаб беришди. Хонанда бундай қаҳвани ичишга қўрқишини айтди.

Райҳон Уласенова «Агар хаёлларингиз қандай кучга эга эканлигини билганингизда эди, ҳеч қачон ёмон хаёлларга бормаган бўлардингиз», — деб ёзмоқда.

Муниса Ризаевага Instagram орқали «Иккинчи хотин бўлишга рози бўласизми?» мазмунидаги саволни беришди. Хонанда ҳеч қачон иккинчи ёки учинчи хотин бўлишга кўнмаслигини маълум қилди.

Шунингдек, хонанда шу кунгача эришган ютуқлари ўз меҳнатлари эвазига эканлиги, бадавлат отаси ҳеч қачон унга ёрдам бермагани ҳақида ҳам гапирди.