Грузияда сўнгги бир-кеча кундузда яна 7521 нафар кишида коронавирус аниқланди. Бу 2021 йилнинг августидан кейинги энг юқори кўрсаткич, ўшанда COVID-19 га чалиниш антирекорди 6208 кишини ташкил қилганди.
Грузия Соғлиқни сақлаш вазирлигининг Касалликларни назорат қилиш ва соғлиқни сақлаш миллий маркази маълумотларига кўра, 24 соат ичида мамлакатда коронавирусдан 31 нафар бемор вафот этган, 3160 киши тузалган.
Мамлакатда инфекция юқтирганларнинг умумий сони 1 миллион кишидан ошди, тузалганлар — 934 667 кишини, касалликдан вафот этганлар 14 512 кишини ташкил этмоқда.
15 мартдан бери Грузияда аҳоли Pfizer, Sinopharm ва Sinovac Biotech дори воситалари билан коронавирусга қарши эмланмоқда. Шу вақтга қадар аҳолининг 41,7 фоизи тўлиқ эмланган.
«Korrespondent.net» хабарига кўра, Канада Pfizer компаниясидан COVID-19 ни даволашда қўлланадиган таблеткаларининг биринчи партиясини қабул қилиб олди.
«Давлат харидларига олдиндан стратегик ёндашувимиз шарофати билан Канада Paxlovid(таблетка номи)нинг 30 минг курсини ўз ичига олган биринчи партияни қабул қилиб олди», — деди мамлакат соғлиқни сақлаш вазири Жан-Ив Дукло.
Унинг сўзларига кўра, март ойи охиригача ушбу дорининг яна 120 минг курси мамлакатга келтирилади.
«Шунингдек, дорининг қўшимча дозаларини Канадага имкон қадар тезроқ етказиб беришни таъминлаш учун Pfizer билан узоқ муддатли таъминот жадвалини яратиш устида ишламоқдамиз», — дея қўшимча қилган вазир.
Канада СВВ раҳбари ҳеч қандай дори, жумладан Paxlovid ҳам эмланиш ва соғлиқни сақлаш чораларининг ўрнини босолмаслигини таъкидлаган.
Изоҳ (0)