Ўзбекистондан Қозоғистон шаҳарларига парвозлар 15 январдан қайта йўлга қўйилади

Ўзбекистон шаҳарларидан Олмаота, Ақтўбе ва Ақтауга парвозлар қайта йўлга қўйилмоқда, дея хабар қилмоқда Uzbekistan Airways

Қайд этилишича, 2022 йил 15 январдан бошлаб, авиакомпания Тошкент—Олмаота—Тошкент, Самарқанд—Олмаота—Самарқанд, Нукус—Ақтўбе—Нукус, Урганч—Ақтау—Урганч, Нукус—Ақтау—Нукус, Урганч—Ақтау—Урганч, Нукус—Ақтау—Нукус йўналишлари бўйича мунтазам авиақатновларни қайта йўлга қўяди.

Таъкидланишича, Олмаота халқаро аэропорти халқаро қатновларни соат 08:00 дан 21:00 гача (Олмаота вақти билан) қабул қилади. Ушбу муносабат билан Тошкент—Олмаота—Тошкент йўналиши бўйича HY–765/766 қатнови 16 январь куни бекор қилинади, мазкур парвоз йўловчилари 17 январь куни Тошкент—Олмаота—Тошкент йўналиши бўйича HY–763/764 авиақатнови орқали манзилга етказилади.

Олмаота ва Ақтўбе, Ақтау шаҳарларида бекор қилинган (2022 йил 7-дан 13 январга қадар) қатновлар йўловчилари авиачиптанинг тўлиқ қийматини харид қилинган жойда қайтариб олиш ёки исталган бошқа бўш санага бепул қайта брон қилиш ҳуқуқига эга.

Эслатиб ўтамиз, Ақтауга мунтазам парвозлар 5 январь кунидан бошлаб бекор қилинганди. Кейинроқ Uzbekistan Airways Олмаота ва Ақтўбега режалаштирилган парвозларни ҳам амалга оширмади.