«Йил аёли»га номзод Ханде Эрчел, баҳорда экранларга қайтишга ваъда берган Демет Ўздемир. Турк киноси янгиликлари

Турк киноси оламида рўй бераётган энг сўнгги янгиликларни эътиборингизга ҳавола этамиз.

Турк телесериалининг энг яхши драматик актрисаси аниқланди: томошабинлар овоз бериш орқали «Шиша ортидаги қиз» сериалида ўйнаган Буржи Бирижикни танлади.

Демет Ўздемир карьерасини якунлагани ҳақидаги миш-мишларни рад этди ва баҳорда экранларга қайтишини маълум қилди.

«Истанбуллик келин» юлдузи Асли Энвер яна ёлғиз: бир неча йиллик севгилиси Сарп Батур у билан турмуш қуришни истамади ва жуфтлик ажрашди.

Алп Навруз Айчей Айше Туран билан алоқаларига ойдинлик киритди. Актёрнинг сўзларига кўра, улар шунчаки дўст, ишқий муносабат ҳақидаги хабарлар эса ҳақиқатга тўғри келмайди.

Актриса Ханде Эрчел «Elle Russia» сўровномаси бўйича «Йил аёли» мукофотига номзод бўлди.

Керем Бюрсин «Рангли мактаблар» лойиҳасида иштирок этиб, болалар билан бирга деворларни бўяди.

Машҳур турк қўшиқчиси, кўпинча россиялик примадонна Алла Пугачёва билан қиёсланадиган 75 ёшли Ажда Пеккан янги кутилмаган лойиҳани режалаштирди. Машҳур хонанда йўналишини бироз ўзгартириб, сериалда суратга тушишга ҳозирлик кўрмоқда. Сериал автобиографик бўлиб, унда Пекканнинг ҳаёти ҳақида ҳикоя қилинади.

Италиянинг SuperEva нашри таниқли турк актёри Жан Яман ва машҳур телебошловчи Дилетта Леоттанинг ажрашиши сабаблари ҳақида хабар берди. Унга кўра, Дилетта Леотта Жан Яманни турмуш тарзи туфайли тарк этган. Журналист Дилетта Жаннинг турмуш тарзида айнан нимани ёқтирмаслигини маълум қилмаган.

2021 йилнинг ёзида камида бир неча йил жиддий муносабатларга киришмасликка ваъда берган «Муҳташам юз йил» юлдузи Мерве Болуғур фикрини ўзгартирди. Актриса таниқли тадбиркор Эржан Шен билан учрашишни бошлади.