Ўзбекистонда ноябрь ойида 76 та электромобиль импорт қилинган, деб хабар бермоқда Давлат статистика қўмитаси.
Қайд этилишича, электромобиллар хариди учун 1,8 миллион доллар сарфланган. Импорт қилинганлик кўрсаткичи октябрь ойига нисбатан 21 тага ошган. Октябрда Ўзбекистонга 1,5 миллион долларлик 55 та электромобиль импорт қилинганди.
Аввалроқ Ўзбекистонда электромобиллар учун алоҳида давлат рақами бериш бошлангани хабар қилинганди. Махсус турдаги рақам 1 ноябргача давлат рўйхатидан ўтган электромобиллар учун бепул алмаштириб берилади.
Эслатиб ўтамиз, Ўзбекистонда электромобиллар автотранспорт йиғимидан озод этилган.