Ўзбекистонда 2021 йилнинг январь—ноябрь ойларида 847 дона автобус ишлаб чиқарилди.
Давлат статистика қўмитаси маълумотларига кўра, бу 2020 йилнинг мос даври билан солиштирилганда (588 та) 44 фоизга кўп. 2019 йилнинг январь—ноябрь ойларида эса бу кўрсаткич 1 512 тага тенг бўлган.
«Тошкент шаҳар транспорти ва йўл-транспорт инфратузилмасини 2025 йилгача ривожлантириш концепциясини тасдиқлаш тўғрисида»ги Вазирлар Маҳкамаси қарори лойиҳасига кўра, пойтахтда 2022—2025 йилларда 1 043 дона, шу жумладан, 190 дона катта сиғимли (12 метрли) сиқилган табиий газда, 200 дона ўрта сиғимли (8,5—9 метрли) дизель ёқилғисида, 600 дона катта сиғимли (12 метрли) ва 53 дона ўта катта сиғимли (18 метрли) электр қувватида ишлайдиган автобусларни харид қилиш белгиланган.
Изоҳ (0)