Дунё ва ўзбек спортига оид 20 декабрнинг энг муҳим хабарлари дайжести билан танишинг.
Ўзбекистон
Суперлига йўлланмасини қўлга киритган «Нефтчи» 6 футболчиси билан шартномани узайтирдиФарғоналиклар клуби дарвозабонлар Акбар Тўраев, Машҳур Муҳаммаджонов, ҳимоячи Умар Атҳамзода, ярим ҳимоячилар Абдуллоҳ Олимов, Ойбек Қиличев, Иззатилла Абдуллаев ва Александр Ешич билан янги битим имзоланганини эълон қилди. Ушбу футболчилар ўтган мавсум «Нефтчи»нинг Про-Лига чемпионлигини қўлга киритишида ёрдам берганди.
Эслатиб ўтамиз, ПФЛ 2022 йилги мавсум олдидан Суперлига клублари трансферлар оид чекловлар қўйган. Унга кўра, Суперлига жамоаси қишки трансфер ойнасида 10 нафар, Про-Лигадан олий дивизионга йўл олган клуб эса 15 нафар янги футболчини рўйхатдан ўтказиш ҳуқуқига эга.
Жаҳон
АПЛ клублари коронавирус билан боғлиқ вазият юзасидан йиғилиш ўтказади
20 декабрь, душанба куни АПЛ клублари вакиллари иштирокида йиғилиш бўлиб ўтади. Унда коронавирус билан боғлиқ вазият муҳокама қилинади, дея хабар қилмоқда The Telegraph.
Унда қуйидаги масалалар кўриб чиқилиши кутилмоқда:
- Ўйинларни қолдириш масаласи. Лига 28—30 декабрь кунига мўлжалланган ўйинларни қолдириш масаласини кўриб чиқади. Шунингдек, ўйинни қолдиришга сабаб бўладиган шартлар борасида келишиб олади.
- Қолдирилган ўйинларни бошқа вақтга кўчириш масаласи.
- Ўйинчиларни эмлаш масаласи. АПЛда футболчиларнинг деярли 1/3 қисми вакцинанинг иккинчи дозаси билан эмланмаган. Ла Лига ва Бундеслигада бундай кўрсаткич 8 фоизга тенг. Шу сабаб лига ва клублар ўйинчиларни вакцинациядан ўтказиш масаласини энг биринчи навбатда кўриб чиқади.
- Ковид йўриқнома масаласи. Коронавирус йўриқномасига қатор ўзгартиришлар киритилиши кутилмоқда. Унга кўра эмланмаган футболчилар клубнинг бошқа вакиллари билан контактга киришиши максимал даражада чекланади. Улар учун ҳатто алоҳида кийиниш хонаси ва сафарлар учун алоҳида транспорт ажратилиши мумкин.
«Барселона» январь ойида трансфер бозори фаол бўлади
Каталонлар бир қатор футболчиларини сотиб юбориш истагида ва янги харидлар амалга оширмоқчи.
«Барселона» Филиппе Коутиньо, Самюуэль Умтити, Нето, Люк де Йонг ва Сержиньо Дестни сотиб юбормоқчи. Бу орқали клуб молиявий фейр-плей қоидаларига риоя қилишни таъминламоқчи, дея хабар қилмоқда Mundo Deportivo.
Футболчиларнинг барчаси ҳам Хавининг услубига тушмаяпти, жамоа Коутиньо, Умтити ва Нетони эса юқори маош сабаб сотиб юбормоқчи.
Маошлар ведомостида барқарорлик юзага келтириш орқали «Барселона» янги футболчиларни ўз сафига қўшиб олмоқчи. Каталонлар Эдинсон Кавани («Манчестер Юнайтед») ва Ферран Торрес («Манчестер Сити») трансфери устида ишламоқда.
Diario Sport’га кўра, «кўк-анорранглилар» Кавани билан 1,5 йиллик шартнома борасида шахсий келишувга эришган. Бироқ бу келишув амалга ошиши учун уругвайлик футболчи «Юнайтед» билан амалдаги шартномасини бекор қилишига тўғри келади. Сабаби «Барса» трансферга пул сарфлаш ниятида эмас.
Коронавирус сабаб бекор қилинган «Тоттенҳэм» — «Ренн» учрашувида «шпорлар»га техник мағлубият ёзилди
УЕФА Конференциялар Лигаси 6-туридан ўрин олган ўйин юзасидан қарор чиқарди. Ўйин лондонликлар клубида коронавирус тарқалгани боис ўтказилмаганди.
УЕФА учрашув «Тоттенҳэм»нинг айби билан бекор бўлганини қайд этди ва лондонликларга техник мағлубият ёзди.
Шу тариқа «Ренн» 14 очко билан гуруҳда биринчи ўринни эгаллади, «Витесс» эса 10 очко билан иккинчи бўлди. 7 очкога эга «Тоттенҳэм» Еврокубоклар билан хайрлашди.
Муҳаммад Салоҳ мухлислар талқинига кўра АПЛда 2021 йилнинг энг яхши ўйинчи деб топилди
Премьер Лигада йилнинг энг яхши ўйинчисига топшириладиган Fans’ Footballer of the Year соврини «Ливерпуль» форварди Муҳаммад Салоҳга насиб этди. Овоз бериш жараёнида 140 минг мухлис қатнашган.
1. Муҳаммад Салоҳ («Ливерпуль»)2. Деклан Райс («Вест Ҳэм»)3. Бруну Фернандеш («Манчестер Юнайтед»)4. Филип Фоден («Манчестер Сити»);5. Эдуар Менди («Челси»);6. Мэйсон Маунт («Челси»);7. Рубен Диаш («Манчестер Сити»);8. Кевин де Брюйне («Манчестер Сити»);9. Жоржиньо («Челси»);10. Жоау Канселу («Манчестер Сити»).
«Барселона» «Камп Ноу»ни 1,5 млрд еврога таъмирлайди
«Барселона» клуби «Эспаи Барса» лойиҳаси бўйича референдум ўтказди. Овоз берувчиларнинг 87,8 фоизи (42,7 минг киши) лойиҳани қўллаб-қувватлаган. 10,4% киши (5 минг) эса қарши чиққан.
«Эспаи Барса» лойиҳаси «Камп Ноу» атрофидаги катта ҳудуд дўконлар, ресторанлар, клуб офиси, музейи, шунингдек, «Камп Ноу», «Миниэстади» ареналари ва «Палау Блауграна» ёпиқ иншоотини қамраб олади. У ерларда реконструкция ишлари олиб борилади.
Ушбу лойиҳани амалга ошириш учун клуб президенти Хоан Лапорта Goldman Sachs инвестицион банкидан 1,5 миллиард евро миқдорида кредит олмоқчи.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)