Самарқанд вилоятининг Иштихон тумани Қулчора қишлоғида яшовчи Жамшед Ўсаров оиласида уч эгизак ўғил дунёга келди. Бу ҳақда оиланинг яқин қариндошларидан бири «Дарё»га маълум қилди.
Ўғиллар Самарқанд вилояти перинатал марказида 7 декабрь куни дунёга келган. Эгизаклардан аввал Жамшед Ўсаров ва онаси Маҳлиё Абдееванинг 2013 йилда туғилган ўғли ва 2017 йилда туғилган қиз фарзанди бўлган.
Самарқанд вилоят перинатал маркази шифокорининг «Дарё»га маълум қилишича, болаларнинг ҳозирги аҳволи яхши. 16 декабрь куни уларга уйга кетишга рухсат берилади.
«36 ҳафталик бўлган эгизаклар 7 декабрь куни операция (кесарча кесиш) йўли билан дунёга келди. Эгизакларнинг ҳар бирининг вазни 2 килограммдан ортиқ (биринчи эгизак 2,1 килограмм, иккинчи ва учинчиси 2,3 килограмм). Ҳозирда чақалоқларнинг ҳам, онасининг ҳам аҳволи яхши», — дейди эгизаклар саломатлигини назоратга олган шифокор Ҳабиба Бозорова.
ДХА Самарқанд вилоят бошқармаси ахборот хизматининг маълум қилишича, 13 декабрь куни Иштихон туман ФҲДЁ бўлими томонидан эгизакларга туғилганлик гувоҳномалари расмийлаштирилиб, уларга Шавкат, Мирзиё, Миромон деб исм қўйилган.
Давлат статистика қўмитаси маълумотларига кўра, Ўзбекистонда 10 йил давомида уч нафар эгизаклар туғилиши 4 бараварга кўпайди. 2021 йилнинг биринчи ярмида эгизаклар сони бўйича Самарқанд вилояти етакчи бўлган.
Мавзуга доир:
- Қаршида уч эгизак дунёга келди. Уларга Шавкат, Миромон, Мирзиё деб исм қўйилди
- Қашқадарёда туғилган 3 эгизакка Зироат, Саида ва Шаҳноза исмлари қўйилди. Бунинг учун Президентдан рухсат олинган
- Навоийда уч эгизак туғилди. Уларга Шукрона, Шодиёна, Имона исмлари қўйилди
- Бухорода 3 эгизак туғилди. Уларга Мирзиё, Миромон ва Саида исмлари қўйилди (фото)
Изоҳ (0)