Қайси маҳсулотларни яроқлилик муддати ўтганидан кейин ташлаб юбориш кераклиги ҳақида «Домашний очаг» журнали маълумот беради.
Гўшт
Бўлакларга бўлинган ёки совиткичда бутунлигича турган гўштни харид қилинганидан кейин беш кундан ортиқ сақлаб бўлмайди. Қолаверса, дўкондан олинган бўлса, яроқлилик муддати билан танишиш ва унга амал қилиш тавсия қилинади.
Товуқ гўшти
Музлатилган товуқ гўштини харид қилгандан кейин, уни ўша куниёқ ишлатиб юбориш керак. Бунинг иложи бўлмаганда эса Цельсий шкаласи бўйича +4 даражадан юқори бўлмаган ҳароратда сақлаш лозим.
Қийма
Гўшт ва товуқ филесидан тайёрланиб, совиткичда турган қиймани 12 соат ичида ишлатган маъқул. Йўқса, уни музлаткичда сақлаш керак.
Тухум
Тухум харид қилганда ишлаб чиқарилган санасига назар ташланг. Шундан кейин 3-4 ҳафта сақласангиз бўлади. Ушбу маҳсулотни совиткичда сақлаш, яроқлилик муддати ўтганидан кейин эса ташлаб юбориш лозим.
Юмшоқ пишлоқ
Совиткичда узоқ вақт қолиб кетган қаттиқ пишлоқнинг четларини кесиб ташлаб, ўзини ишлаца бўлади. Суюқ пишлоқ устини моғор қоплашни бошлаганда эса бундай қилиш ярамайди. Кўриниши ёки ҳиди ўзгарса, совиткичда 15 кундан кўпроқ вақтдан буён билан турган бўлса, яхшиси ташлаб юборган маъқул.
Кўкатлар
Саломатлик учун фойдали бўлган кўкатлар сарғайиш ва нам бўлишни бошласа, ўйлаб ҳам ўтирмай ташлаб юборинг.
Сабзавотли шарбатлар
Кўпчилик шакар ва озуқавий моддалар бисёр экани сабаб мевали шарбат ўрнига сабзавотлисини ичиш керак деб ўйлайди. Амма айнан шакар ва кислота миқдорининг камлиги ҳисобига мазкур шарбатлар тез айнийди. Шу сабаб ҳам яроқлилик муддати ўтганидан кейин ташлаб юбориш ва очгандан кейин ўша куннинг ўзида ишлатиш тавсия қилинади.
Майда қисқичбақа (креветка)
Денгиз маҳсулотларидан заҳарланиш жуда ҳам оғир кечади, майда қисқичбақалар эса бошқа моллюскалар сингари тез айниб қолади. Янгилигида уларни совиткичда 3 кунгача, музлатилган вариантда эса икки ойгача сақлаш мумкин.
Изоҳ (0)