Ўзбекистон ташқи ишлар вазири Абдулазиз Комилов Хорватия ва Эстониянинг фавқулодда ва мухтор элчилари (қароргоҳи Нур-Султон шаҳрида) этиб тайинланган Рефик Шабанович ва Тоомас Тирсни қабул қилди.
Вазир ишонч ёрлиқларини қабул қилар экан, элчиларни янги лавозимга тайинлангани билан табриклади ва масъулиятли лавозимида муваффақиятлар тилади.
Суҳбат чоғида икки томонлама ва «Ўзбекистон—Европа Иттифоқи» шаклида Ўзбекистон—Хорватия ва Ўзбекистон—Эстония муносабатларининг долзарб масалалари муҳокама қилинди.
Сиёсий-дипломатик, савдо-иқтисодий, сармоявий, маданий-гуманитар ва бошқа соҳаларда ўзаро манфаатли алоқаларни кенгайтириш бўйича амалий таклифлар кўриб чиқилди.
Минтақадаги ҳозирги вазият юзасидан фикр алмашилди.
Бундан аввал Абдулазиз Комилов Саудия Арабистонининг Ўзбекистондаги янги элчисини қабул қилгани, Шавкат Мирзиёев Ўзбекистоннинг Тожикистондаги элчисини «Дўстлик» ордени билан мукофотлагани ҳамда Ўзбекистоннинг Мисрдаги янги элчиси тайинлангани ҳақида хабар берилганди.
Изоҳ (0)