Тошкент вилоятининг Зангиота туманидаги «Хасково» подстанциясида 17 ноябрь куни соат 17:10 ларда қисқа туташув натижасида ўчиш содир бўлган. Бу ҳақда Энергетика вазирлиги ахборот хизмати хабар берди.
Натижада Тошкент вилоятининг Зангиота, Тошкент шаҳрининг Олмазор ва Шайхонтоҳур туманларининг айрим ҳудудларида электр энергияси таъминотида узилишлар кузатилмоқда.
Ҳозирда Тошкент ҳудудий электр тармоқлари корхонасининг аварияга қарши махсус бригадалари томонидан ушбу носозликни бартараф этиш ишлари олиб борилмоқда.
Таъмирлаш ишлари қисқа вақт ичида якунланади ва электр энергияси таъминоти тикланиши айтилди.
«Шунингдек, мамлакатимизга кириб келган совуқ об-ҳаво оқими, кучли шамол ҳамда қор бўрони электр узатиш тармоқлари ҳамда трансформатор пунктларига шикаст етказмоқда. Бунинг натижасида республикамизнинг айрим ҳудудларида электр энергияси етказиб беришда вақтинча узилишлар кузатилмоқда», — дейилади хабарда.
Таъкидланишича, махсус бригадалар томонидан ушбу носозликларни бартараф этиш ишлари олиб борилмоқда.
Бундан аввал Яшнободдаги подстанцияда ёнғин содир бўлиши оқибатида туманнинг бир қисми электр энергиясисиз қолгани ҳамда Энергетика вазирлиги Ўзбекистон нима учун электр энергиясини Қирғизистонга экспорт қилишини маълум қилгани ҳақида хабар берилганди.
Изоҳ (0)