Тошкент вилояти Ўрта Чирчиқ туманида 5 ноябрь куни бир оиланинг уч нафар аъзоси ис газидан заҳарланди. Бу ҳақда туман ҳокими Олимжон Нурматовнинг қарорида сўз боради.
Маълум қилинишича, туманнинг «Адолат» маҳалласида жойлашган хонадонларнинг бирида яшовчи фуқаролар — 1967 йилда туғилган Б.А., 1995 йилда туғилган М.М. ва 2008 йилда туғилган М.А. номаълум газдан заҳарланиш бахтсиз ҳодисаси билан Нурафшон шаҳар тиббиёт бирлашмасига қарашли шошилинч тез ёрдам бўлимига олиб келинган.
6 ноябрь куни 2008 йилда туғилган М.А Нурафшон шаҳар тиббиёт бирлашмасига қарашли Болалар шифохонасида вафот этган.
Ўрта Чирчиқ тумани ҳокимининг тегишли қарори билан туманда бахтсиз ҳодиса содир бўлганда унинг сабабларини текшириш бўйича дастлабки зарур чораларни кўриш, бахтсиз ҳодиса сабабларини текшириш комиссияси таркиби тасдиқланган.
Аввалроқ Самарқандда бир оиланинг тўрт аъзоси, Ургутда эса аёл ва унинг икки нафар вояга етмаган фарзанди ис газидан заҳарланиб, вафот этгани тўғрисида хабар берилганди.
Мавзуга доир:
- Косонда 61 ёшли фуқаро, Чироқчида эса бир ёшли чақалоқ иситиш мосламаларидан келиб чиққан ёнғин оқибатида вафот этгани маълум қилинди
- Самарқандда 10 кунда саккиз киши ис газидан заҳарланиб, вафот этди. Уларнинг беш нафари — болалар
- Тошкентда 5 талабанинг заҳарланиб вафот этишида айбланган ижарачи аёлга суд ҳукми ўқилди
Изоҳ (0)