Футбол бўйича Ўзбекистон чемпионатининг 23-туридан ўрин олган икки ўйин 22 октябрь, жума куни бўлиб ўтди.
«Сурхон» ва «Қизилқум» ўртасидаги баҳсда мезбонлар кичик ҳисобда ғалаба қозонди. Мезбонларнинг ягона голига Жасур Холтўраев муаллифлик қилди.
«Сурхон» ғалабадан кейин 22 очко билан 10-ўринга кўтарилиб олди. «Қизилқум» эса мазкур мағлубиятдан сўнг 31 очко билан 8-ўринда қолди.
Жума кунги иккинчи ўйинда «Бунёдкор» ўз уйида «Турон»ни қабул қилди. Учрашувнинг 34-дақиқасида Хуршид Ғиёсов пенальтидан унумли фойдаланиб, мезбонларни ҳисобда олдинга олиб чиқди. 76-дақиқада Ҳумоюн Муртазоев пенальтидан гол уриб, ҳисобни тенглаштирди. Ҳакам қўшиб берган дақиқаларда эса Умарали Раҳмоналиев ва Нурилло Тўхтасинов гол уриб, «Бунёдкор»нинг ишончли ғалабасини таъминлади.
Қайд этиш керак, ҳар икки жамоадан ҳам бир нафардан футболчи қизил карточка олиб майдонни тарк этди. Аввалига 65-дақиқада Лутфулла Тўраев иккинчи сариқ карточкани олди ва майдонни тарк этди. Учрашувнинг 80-дақиқасида Даян Поневич ҳам иккинчи сариқ билан майдондан четлатилди.
Ушбу ғалабадан сўнг «Бунёдкор» очколари сонини 36 тага етказиб, 5-ўринга кўтарилиб олди. «Турон» эса 13 очко билан энг сўнгги поғонада бормоқда.
Суперлига
23-тур баҳслари
22 октябрь, жума
«Сурхон» — «Қизилқум» 1:0
Голлар: 1:0 — 55 Холтўраев«Сурхон»: 12. Рустам Нортожиев, 4. Жавоҳир Соҳибов, 5. Жасур Ёқубов, 6. Алишер Салимов, 7. Ислом Тошпўлатов, 8. Жаҳонгир Аҳмадов, 11. Зоҳир Пиримов (9. Низомжон Норов, 73), 14. Жасур Холтўраев (99. Комрон Сайдазамов, 90+2), 20. Ҳусниддин Ғофуров, 60.Ўрол Чориев (19. Нуриддин Ҳасанов, 87), 66. Беҳруз Шайдулов.
«Қизилқум»: 1. Игнатий Нестеров, 6. Эркин Бойдуллаев, 7. Ислом Кенжабоев (10. Мате Вацадзе, 81), 8. Гиорги Кухианидзе, 17. Салим Мустафоев, 19. Жамшид Ҳасанов (9. Беҳруз Садиллоев, 46), 20. Ислом Тўхтахўжаев, 25. Азизбек Усмонов, 30. Элгужа Григалашвили, 33. Шаҳзод Туропов, 75. Олег Толмасов.
Огоҳлантириш: Садиллоев (70).
«Бунёдкор» — «Турон» 3:1
Голлар: 1:0 — 34 Ғиёсов (пенальти), 1:1 — 76 Муртозаев (пенальти), 2:1 — 90+3 Раҳмоналиев, 3:1 — 90+6 Тўхтасинов.«Бунёдкор»: 1. Равшан Ягудин, 4. Даврон Эргашев, 6. Аваз Ўлмасалиев, 10. Хуршид Ғиёсов, 13. Лутфулла Тўраев, 17. Одил Абдураҳмонов, 19. Нурилло Тўхтасинов, 22. Шаҳбоз Эркинов (33. Умарали Раҳмоналиев, 70) 30. Абдулла Аблуллаев, 34. Суҳроб Иззатов (26. Улуғбек Абдуллаев, 82), 49. Иброҳим Томива.
«Турон»: 1. Низомиддин Зиёвуддинов, 6. Сардор Абдураимов (11. Асилбек Қаюмов, 88), 7. Суннатилла Абдуллажонов, 8. Суннатилла Эрматов (30. Синиша Бабич 46), 9. Ҳумоюн Муртозаев, 10. Ихтиёр Тошпўлатов, 18. Фозил Мусаев, 19. Владислав Косминин, 23. Отабек Зокиров ( 4. Аслиддин Тоштемиров, 46), 55. Даян Поневич, 77. Билол Тошмирзаэв.
Огоҳлантиришлар: Поневич (33), Тўраев (59).
Четлатиш: Тўраев (65), Поневич (81).
Изоҳ (0)