Қишлоқ хўжалигида билим ва инновациялар миллий марказининг 1 миллион дона узум кўчатини етказиб бериш бўйича тендери натижалари атрофидаги ҳолатни ўрганиш юзасидан Қишлоқ хўжалиги вазирлиги томонидан комиссия тузилди, деб хабар бермоқда вазирлик матбуот хизмати.
«Вазият ўрнатилган тартибда қонунчиликка мувофиқ кўриб чиқилади. Тадқиқот натижаларига кўра тегишли қарорлар қабул қилинади ва эълон қилинади», — дейилади хабарда.
«Gazeta.uz»нинг маълум қилишича, Монополияга қарши курашиш қўмитаси матбуот хизмати ҳам вазиятни ўрганаётганини маълум қилди.
Эслатиб ўтамиз, in vitro усулида етиштирилган 9,95 миллиард сўмлик узум кўчатларини етказиб бериш бўйича ўтказилган тендерда De Nova Agro компанияси ғолиб бўлгани ҳақида хабар берилганди. Компания асосчиси эса Бекжон Тўраев — қишлоқ хўжалиги вазири ўринбосари, Қишлоқ хўжалигида билим ва инновациялар миллий маркази (лойиҳа буюртмачиси) раҳбари, профессор, биология фанлари доктори Алишер Тўраевнинг ўғли.
Изоҳ (0)