Samsung компанияси букланувчи экранли Galaxy Z Fold3 ва Flip3 флагманларининг янги авлодини тақдим этди. Энди у мустаҳкамроқ, ишончлироқ ва қулайроқ. Ҳозирги кунда Samsung Galaxy Z смартфонларига олдиндан буюртма қилиш имконияти мавжуд.
Бу қурилмалар фойдаланувчиларга иш учун ҳам, ўйинлар учун ҳам янада кўпроқ имкониятларни тақдим этувчи тузилиши ва инновацион функциялари билан кишини лол қолдиради.
Ишончлилик ва мустаҳкамлик
Янги девайслар ҳатто энг нозик харидорларнинг эҳтиёжларига ҳам тўлиқ мувофиқ келади. Буни уларнинг асосий хусусиятлари — узоқ хизмат қилиш муддати ҳам исботлаб турибди. Galaxy Z Fold3 ва Z Flip3 букилувчи смартфонлари қаттиқ синовлардан ўтган бўлиб, 200 000 марта очилиб ёпилишга бардош бера олади. Бу хусусият қурилмадан 3 йил давомида ҳар куни тўхтовсиз, 182 марта фойдаланиш имконини беради.
Флагманлар IPX8 стандарти бўйича сувдан ҳимоя тизими билан жиҳозланган, шу боис ёмғир остида қолган фойдаланувчилар хавотир олишмаса ҳам бўлади. Иккала қурилма ҳам смартфонларда қўлланадиган энг мустаҳкам Armor Aluminum алюминийси ва мустаҳкамликда ундан қолишмайдиган Corning® Gorilla® шишаси билан жиҳозланган.
Samsung Galaxy Z Fold3: максимал функционаллик
Ушбу смартфон ҳам унумли ишлашга, ҳам дам олиш пайтида ёрқин ўйинларга идеал қурилмани излаётганлар учун мўлжалланган. Девайс 7,6 дюймли Infinity Flex Display дисплейи билан жиҳозланган, у сизни бир зумда ғаройиб контент оламига ғарқ қилади.
Z сериясидаги флагманлар ҳамма ёқтирадиган S Pen перосини қўллаб қувватлайди. Перо бевосита юраётган пайтингизда букиладиган экранда вазифаларни бажаришга ёрдам беради. Сиз ахборотни қўлда ёзишингиз, чизишингиз ва телефонни масофадан туриб бошқаришингиз мумкин.
Samsung Galaxy Z Fold3 учун S Pen икки вариантда етказиб берилади: S Pen Fold Edition ва S Pen Pro.
Samsung Galaxy Z Flip3: бежиримлик ва ноёб имкониятлар
Смартфон премиум ва ихчам дизайнга, фойдаланиш қулай бўлиши учун кенгайтирилган функционал ва катталаштирилган ташқи экранга эга. Ушбу флагман бежиримлик ва премиал функцияларни қадрлайдиганлар учун идеал тарзда мос келади.
Samsung компанияси қурилманинг ташқи дисплейини янгилади, энди у олдингисига қараганда тўрт баравар катта. Сиз смартфонни очмаган ҳолда хабарларни кўришингиз, ишлар рўйхатини, об-ҳаво ва кундалик қадамларингиз сонини кузатиб боришингиз мамкин. Шунингдек, ташқи экранга Samsung Pay функцияси ўрнатилган, у харидни бевосита осон тўлаш имкониятини тақдим этади.
Янги такомиллаштирилган Dolby Atmos® стереодинамиклари эса севимли мусиқангизни жозибали товушда, ақл бовар қилмас аниқлик ва чуқурликда тинглаш имконини беради.
Олдиндан буюртма қилиш
Янги Samsung Galaxy Z Fold3 ва Flip3 флагманларига олдиндан буюртмани 21 сентябргача (ушбу сана ҳам амалда) расмийлаштиришга ва совғага:
- Galaxy Z Fold3 смартфонини харид қилганлар учун Galaxy Watch3 соати ва S Pen пероли ғилоф;
- Galaxy Z Flip3 смартфонини харид қилганлар учун Galaxy Buds Live қулоқчинлари ва Galaxy SmartTag Bluetooth трекери тақдим этилади.
- Samsung Smart TV;
- Samsung Galaxy Tab А10;
- Samsung Galaxy Tab А8;
- Samsung Galaxy А22.
Мурожаат учун телефон: 7799
Реклама ҳуқуқи асосида.
Изоҳ (0)