Мудофаа вазирлигида Сунъий интеллект технологиялари департаменти ва Киберхавфсизлик лабораторияси ташкил этилади
Ўзбекистон Мудофаа вазирлиги марказий аппаратида Рақамли технологиялар бош бошқармаси, Сунъий интеллект технологиялари департаменти ва Киберхавфсизлик лабораторияси ташкил этилади. Бу ҳақда Президент матбуот хизмати хабар берди.
Маълум қилинишича, 7 май куни Ўзбекистон президенти, Қуролли Кучлар Олий бош қўмондони Шавкат Мирзиёевга тақдимот ўтказилиб, унда армияни рақамлаштириш ва киберхавфсизликни таъминлаш масалалари кўриб чиқилди. Тақдимотда автоматлаштирилган бошқарув тизимларини янада ривожлантириш, роботлашган ва автоном мажмуалардан фойдаланишни кенгайтириш, шунингдек, илмий-тадқиқот ва тажриба-конструкторлик ишларини йўлга қўйиш бўйича комплекс чора-тадбирлар таклиф этилди.
Мудофаа вазирлиги марказий аппаратида Рақамли технологиялар бош бошқармаси, Сунъий интеллект технологиялари департаменти ва Киберхавфсизлик лабораториясини ташкил этиш кўзда тутилмоқда. Республиканинг барча ҳудудларида узлуксиз ва барқарор алоқани таъминлаш мақсадида Сунъий йўлдош алоқа маркази фаолияти йўлга қўйилади.
Мудофаа соҳасида ягона рақамли сиёсатни юритиш мақсадида мудофаа вазирининг рақамлаштириш, сунъий интеллект ва киберхавфсизлик бўйича ўринбосари лавозими жорий этилди. Ҳарбий округларда эса қўмондонларнинг рақамлаштириш, сунъий интеллект ва киберхавфсизлик бўйича ўринбосарлари лавозимларини жорий этиш назарда тутилмоқда.
Тақдимот якунида Олий бош қўмондон билдирилган таклифларни маъқуллаб, армияни янада рақамлаштириш, қўшинларга замонавий ахборот-коммуникация тизимлари ва сунъий интеллект технологияларини жорий этишга қаратилган ҳужжатларни имзолади.
Мутасаддилар олдига мудофаа соҳасини тўлиқ рақамлаштириш, миллий сунъий интеллект моделларини яратиш ва малакали ҳарбий кадрлар тайёрлаш тизимини янада такомиллаштириш бўйича устувор вазифалар қўйилди.
.png)
Дунё
7 май — Радио куни: симсиз алоқа инқилобининг бошланиши
Мексикада журналистлар ўлими 2025 йилда икки баравар кўпайди
Венгрия Орбан даврида мусодара қилинган Украина пул ва олтинларини қайтарди
Эпштейн ўлими олдидан ёзган мактуб эълон қилинди
Саудия АҚШга мамлакат ҳаво ҳудуди ва Америка ҳарбий базаларидан фойдаланишни тақиқлаб қўйди
Оқибатда Трамп кемаларнинг Ҳормуз бўғози орқали ўтишига ёрдам бериш режасини тўхтатди.
Дарё+
Сукунат ичидаги саросима: Путин фитна ёки давлат тўнтаришидан жиддий ташвишда(ми)?
Ҳар йили 9 май Москва учун куч, қудрат ва ҳарбий салобат намойиши бўлиб келган эди. Аммо бу сафар рамзий сана устига кўзга кўринмас, аммо сезилаётган хавф соя солаётгандек. Хўш, бундай қатъий чоралар аслида нимадан дарак беради? Қуйида Россия элитаси ичидаги пинҳона “уруш” ва Кремлни қамраб олган қўрқув ҳақида сўз юритилади.
Уруш ичидаги яширин уруш: Ироқ қандай қилиб Эрон ва Форс кўрфази давлатлари ўртасидаги полигонга айланди
“Популистлар илҳом манбайидан айрилди”. Виктор Орбаннинг кетиши Европада қандай баҳоланмоқда?
Моссад Эрон ядро дастурининг “миялари”ни қандай йўқ қилган?
Қон билан ёзилган ваъда: АҚШ тарихидаги энг мураккаб қидирув миссиялар
Лайфстайл ва Маданият
Ҳар бир инсоннинг дунёнинг турли бурчакларида қиёфадоши борлиги ростми?
Илм-фан бу мавзуни узоқ вақт четлаб ўтди, бироқ яқинда олимлар ниҳоят уни ўрганишга киришди. Улар қандай хулосаларга келгани ҳақида сўзлаб берамиз.
Малайзиялик эркак хотирасини йўқотган хотинига қайтадан уйланди
Аёл 8 йил аввал автоҳалокат сабаб хотирасини йўқотганди. У комадан уйғонганида, ҳатто эрини ҳам таний олмаган.
Видеолар
Москвада зирҳли техникаларсиз парад: бунга деградация сабабми ё хавфсизлик?
«Аёлимни тирик қолганига шукр қиламан» — Мирзо Улуғбек туманидаги ЙТҲ тафсилотлари
Уч болали аёлга «Президент совғаси» сифатида берилган уй тортиб олиняпти
«Тож Маҳал бўп кетибди» — Имом Бухорий мажмуасидан репортаж
