Президент Шавкат Мирзиёев 13 август куни Ўзбекистон миллий терма жамоаси таркибида Токио шаҳридаги ёзги Олимпия ўйинларида иштирок этган спортчилар, уларнинг ота-оналари ва мураббийлари билан учрашади.
Маълумот учун, Токио Олимпиадасида Улуғбек Рашидов (таэквондо), Акбар Жўраев (оғир атлетика) ва Баҳодир Жалолов (бокс) олтин, Давлат Бобонов (дзюдо) ҳамда Бекзод Абдураҳмонов (эркин кураш) бронза медалига эга чиқди.
Тошкентда 9 август оқшомида Токио—2020 совриндорлари ва иштирокчиларини кутиб олиш маросими бўлиб ўтди. Аэропортдаги бадиий дастур ва қутловлардан кейин спортчилар Миллий Олимпия қўмитасига йўл олди. У ерда Олимпиада совриндорларига қатор совғалар топширилди.
Токио Олимпия ўйинлари олтин медал эгаларига Chevrolet Tahoe автомобили ва 4 сотихли 3 хонали ҳовли калитлари топширилди. Бронза медалига эга чиққанларга эса Chevrolet Trailblazer ва 2 хонали уй берилди.
Мавзуга доир:
- «Ўғлимнинг орзулари ушалди. Афсуски, дадаси бу кунларни кўрмади». Токио Олимпиадаси совриндорларининг оналари билан суҳбат
- Танқидлар, 5 йил кутилган ғалаба ва кўз ёшлар. Онасига берган ваъдасининг устидан чиққан Баҳодир Жалолов (фотогалерея)
- Токио Олимпиадаси совриндори Бекзод Абдураҳмонов ва Ўзбекистон байроқдори Нигора Турсунқулова турмуш қуради
Изоҳ (0)