Lenovo ноутбуклар учун мўлжалланган симсиз қувватлантиргичини тақдим этди
Lenovo компанияси турли ноутбуклар учун симсиз қувватлантиргич вазифасини бажариш имконини берадиган Go Wireless Charging Kit номли янги маҳсулотини тақдим этди, деб хабар беради Hi-Tech.Mail.ru. Унда анча кенг тарқалган Qi стандартидан эмас, балки Energy Square’нинг Power by Contact технологиясидан фойдаланилган.
Жамланма қалинлиги 3,2 миллиметр келадиган металли қувватлантиргич-гиламча ва узун приёмникдан таркиб топган. Гиламча розеткага уланади ва қурилма остида туради, бу вақтда приёмник ноутбук асосига ва унинг USB-C портига қотирилади.
Таъкидлаш керакки, ноутбуклар учун симсиз қувватлантиргич камдан кам ҳолларда учрайди. Dell компанияси 2017 йилда дунёдаги биринчи симсиз қувватлантиргич дея эътироф этилган Latitude 7285 қувватлантириш қурилмасини тақдим этганди. У клавиатура-подставка орқали қувватлантириш мумкин бўлган планшет эди. Шунингдек, Intel ҳам Rezence магнит-резонанс қувватлантириш стандартини ўз ноутбукларига мослаштиришга уринган, бироқ натижада тижорий муваффақиятсиз кейслар пайдо бўлган.
Lenovo симсиз қувватлантириш жамланмасини 2021 йилнинг октябрида 140 доллар қийматида сотувга чиқаради.
