Тошкентнинг айрим кўчаларида бир сутка давомида ҳаракат чекланади, дея хабар бермоқда шаҳар ҳокимлиги.
Қайд этилишича, 26 июнь куни соат 17:00 дан 27 июнь соат 18:00 гача «Гран-При Тошкент-2021» халқаро картинг мусобақаси ўтказилиши муносабати билан бир неча кўчаларда ҳаракатланиш чекланади:
- Шаҳрисабз кўчасининг Афросиёб кўчасидан Амир Темур шоҳ кўчасигача бўлган қисми;
- Амир Темур шоҳ кўчасининг Ислом Каримов шоҳ кўчасидан Шаҳрисабз кўчасигача бўлган қисми;
- Якуб Колас кўчасининг Тарас Шевченко кўчасидан Амир Темур шоҳ кўчасигача бўлган қисми;
- Тарас Шевченко кўчасининг Ислом Каримов шоҳ кўчасидан Шаҳрисабз кўчасигача бўлган қисми.
Бундан аввал Чимён ҳамда Чорвоққа олиб борувчи айрим йўллар 23, 24 ва 25 июнь кунлари вақтинча ёпилиши ҳақида хабар берилганди.
Изоҳ (0)