Греция аҳолиси пандемия бошидан буён биринчи марта намойишга чиқди ва ҳукумат томонидан таклиф қилинган меҳнат бозори ислоҳотидан норозилигини билдирди, деб ёзмоқда Bloomberg.
Келаси ҳафта парламентда овозга қўйиладиган қонун лойиҳаси бандларидан бирига кўра, иш ҳафтаси тўрт кунгача қисқаради, лекин иш куни узайтирилади.
https://twitter.com/Ruptly/status/1403134161884352514
Шу муносабат билан Греция касаба уюшмалари Европада ишсизлик даражаси бўйича мамлакатнинг энг юқори кўрсаткичга эга бўлгани сабабли иш берувчилар ўз ишчиларини эксплуатация қилиши ва ишчиларнинг таътилга чиқиши қийин бўлиб қолишидан хавотирда эканини билдирди.
https://twitter.com/TRTWorldNow/status/1403068181221105667
Нашр маълумотларига кўра, иш ташлашлар мамлакатнинг кўплаб соҳаларини, хусусан, транспорт соҳасини қамраб олди. Грецияда сайёҳлар учун чегаралар яқинда очилган эди, эндиликда мамлакатда поездлар ва кемалар ҳаракати тўхтатилди.
Аввалроқ Иордан дарёсининг ғарбий соҳилида ва Исроилнинг араблар яшайдиган бошқа минтақаларида умумий иш ташлаш эълон қилингани ҳақида хабар берилган эди.
Мавзуга доир:
- Мутахассислар меҳнат муҳожирлари йўлидаги тўсиқларни олиб ташлаш орқали жаҳон ЯИМни икки баравар ошириш мумкинлиги айтди
- Польшада хусусий нашрлар ОАВга реклама солиғи қўлланилишига қарши ўз норозилигини билдирмоқда
- Польшада ҳомилани олдиришга қўйилган тақиқ кучга кирганидан сўнг яна норозилик намойишлари авж олди
Изоҳ (0)